شحنة قمح روسي أثارت ضجة إعلامية كبيرة في مصر، والسبب أنه تم اكتشاف حشرات ميتة بها وبالتالي عدم صلاحيتها للاستعمال الآدمي..
..
وبدلاً من إعادة الشحنة إلى مرسليها وهي شركة روسية كما تقتضي أبسط البديهيات..
سافر وزير الخارجية المصري (احمد أبو الغيط) إلى (موسكو) وبحث الأمر ضمن جدول أعمال الزيارة..
ليواجه بعد رجوعه بتأكيد من السفير الروسي في مصر الذي صرح وقال:
"أن الخطأ يقع على عاتق مصر، وأن الأمر حدث به سوء تفاهم من الجانب المصري"..
..
يعني إحنا اللي طلعنا غلطانين، والموضوع طلع قال إيه "مجرد سوء تفاهم"..
..
معلهش يا سيادة الوزير (أبو الغيط)..
حطناك في موقف وحش، امسحها فينا، ما أحنا شعب ناقص رباية..
..
القمح ما فيهوش حشرات ولا حاجة..
واللي طلع الإشاعة دي واحد موتور من الموتورين..
(ألا يعني إيه موتور؟)
..
ما علينا..
اللي يلاقي حشرة في رغيف العيش وهو بياكل، مش لازم يعمل صياح ويقرف غيره..
(اتعلموا الإتيكيت بقى..!)
..
وهو يعني الحشرات موجودة بس في العيش اللي بناكله؟
ده حتى حكام كرة القدم فيهم حشرات..
حتى اسألوا كده الدكتور (علاء صادق)..!
ليست هناك تعليقات:
إرسال تعليق