الصفحات

الأحد، 26 يونيو، 2011

قناة دماغوس.. مشروع القرن..!



قال لك نعمل ممر التنمية.. ده  الدكتور فاروق الباز.. حاجة كده زي نيل تاني ح يبقى موازي للنيل الأولاني.. ده هو اللي بيقول !
ماشي يا عم..

قام طلع الباشمهندس ممدوح حمزة وقال لك مشروع النيل 2 ده مشروع فاشل، وقام مطلع فيه القطط الفطسانة مش عارف ليه..
وراح راقع المشروع بتاعه..
دلتا تانية موازية للدلتا الأولانية.. في الصحرا بقى يا مان..

الله؟
هو حكاية التوازي عندكم يا إخوانا؟ نيل موازي ودلتا موازية؟ هيهيهي، فكرتوني بالبرلمان الموازي يا بعدا..

طيب، بما إنها بقت موازيات كده.. فـ"خليهم يتسلوا" ونعمل إحنا مشروع أنقح من مشاريعهم..

مشروع "قناة دماغوس الموازية لقناة السويس اللي ح نردمها"

ويبدأ مشروع ""قناة دماغوس الموازية لقناة السويس اللي ح نردمها" - كما هو مبين في المخطط - من مدينة رفح المطلة على البحر المتوسط والواقعة على حدود مصر وقطاع غزة الفلسطيني..
لتنتهي القناة عند مدينة طابا المطلة على رأس خليج العقبة على الحدود المصرية الإسرائيلية..

قناة جديدة لانج، ونفكنا بقى من قناة السويس اللي عملنا لنا قلق في سينا دي..
..
نردم قناة السويس دي يا معلم.. وسينا "ترجع تاني لينا" بقى بجد..
..
وأهو إحنا ح نعمل قناة تانية بقى.. "قناة دماغوس الموازية لقناة السويس اللي ح نردمها"
..
ونحاوط على بلدنا من الأعادي اللي جنبنا دول.. عشان مش كل شوية نائب في الكنيست ولا وزير إسرائيلي يطلع من عندهم يقول لك: ح ناخد سيناء ح ناخد سيناء
..
لا يا عم، إحنا نعمل قناة تصعب عليهم الحكاية..
..
بس بأقول لك إيه؟

لو خلصنا المشروع ده "قناة دماغوس الموازية لقناة السويس اللي ح نردمها"، وجت إسرائيل ناطة من الناحية التانية وشغلت "قناة دماغوس الموازية لقناة السويس اللي ح نردمها" لحسابها..

ما حدش يدعي عليا والنبي..!

الأربعاء، 15 يونيو، 2011

نص وثيقة البرادعي لحقوق الإنسان

الدكتور محمد البرادعي

الباب الأول: مبادئ أساسية

مادة 1 "نظام الدولة جمهوري ديمقراطي يقوم على حقوق المواطن وسيادة الشعب. ويمارس الشعب هذه السيادة من خلال نظام نيابي يقوم على انتخابات عامة نزيهة دورية تجري على أساس الاقتراع السري، وعلى قدم المساواة بين جميع المواطنين دون تمييز، ووفقاً لإجراءات تضمن حق الترشح والتصويت لجميع المصريين دون أي تفرقة ".

مادة 2 "الاسلام دين الدولة، واللغة العربية لغتها الرسمية، ومبادئ الشريعة الاسلامية المصدر الرئيسى للتشريع.

مادة 3 "يقوم النظام السياسى على أساس تعدد الأحزاب السياسية، وللمواطنين حق إنشاء هذه الأحزاب ومباشرة العمل السياسي طالما لا تقوم هذه الأحزاب السياسية علي أي مرجعية أو أساس يتعارض وحقوق المواطنين الأساسية الواردة في هذه الوثيقة " .

مادة 4 "يقوم النظام العام على سيادة القانون واستقلال القضاء، وتخضع مؤسسات الدولة والمواطنون كافة للقانون على قدم المساواة ودون أي تفرقة"

مادة 5 "القوات المسلحة درع الشعب وحامية السيادة الوطنية، وهي التي تتولى الدفاع عن استقلال وسلامة الوطن ضد الأخطار الخارجية، وتتولى القوات المسلحة وضع وتطوير ومراجعة النظم التي تكفل تحقيق هذا الهدف ".

مادة 6 "ليس في هذه الوثيقة أي نص يجوز تأويله على نحو يفيد انطواءه على تخويل أي من مؤسسات الدولة أو الجماعات أو الأفراد أي حق في القيام بأي نشاط أو بأي فعل يهدف إلى إهدار أي من الحقوق والحريات المنصوص عليها في هذه الوثيقة " .

الباب الثاني: الحقوق الأساسية

مادة 1 "جميع المصريين أحرار متساوين في الحقوق والواجبات والحريات أمام القانون والدستور دون تمييز" 

مادة 2 "لكل مصري الحق في حرية الرأي والتعبير وفي التجمع السلمي، على أن تمارس هذه الحقوق دون الإخلال بحقوق الغير".

مادة 3 "حرية العقيدة مكفولة، ولكل مواطن الحق في اعتناق العقائد والمذاهب وحرية ممارسة الشعائر الدينية، على أن تمارس هذه الحقوق دون الإخلال بحقوق الغير".

مادة 4 "لكل مصري الحق في حرية الإقامة والتنقل، ولا يجوز القبض على أي مواطن أو احتجازه بدون سند من القانون أو تعسفاً. وكل متهم بجريمة يعتبر بريئاً إلى أن تثبت إدانته قانوناً بمحاكمة علنية أمام قاضيه الطبيعي تؤمن له فيها كافة الضمانات الضرورية للدفاع عن نفسه. والكرامة الانسانية حق لكل مصري، ولا يجوز بأي حال تعريض أي شخص للتعذيب أو المعاملة الحاطة بالكرامة ".

مادة 5 "لكل مصري حق التملك بمفرده أو بالاشتراك مع غيره، ولا يجوز تجريد أحد من ملكه بدون سند من القانون أو تعسفاً".

مادة 6 "الحق في العمل مكفول، وتلتزم الدولة ببذل أقصى جهد ممكن لتوفير العمل لكل مصري بشروط عادلة دون تمييز، وبأجر يكفل له ولأسرته عيشة لائقة بكرامة الإنسان، وبالعمل على حمايته من البطالة. ولكل مصري الحق في إنشاء والانضمام إلى نقابات حماية لمصالحه وحقوقه".

مادة 7 "الحقوق الاجتماعية مكفولة، وتلتزم الدولة ببذل أقصى جهد ممكن لتكفل لكل مصري مستوى من المعيشة يوفر الصحة والرفاهية له ولأسرته، ويتضمن ذلك التغذية والمسكن والعناية الصحية وتأمين معيشته في حالات البطالة والمرض والعجز والشيخوخة وغير ذلك من فقدان وسائل العيش نتيجة لظروف خارجة عن إرادته ".

مادة 8 "لكل مصري الحق في التعلم، وتلتزم الدولة أن يكون التعليم في مؤسساتها التعليمية في مراحله الأولى والأساسية على الأقل بالمجان، وأن يكون التعليم الأولي إلزامياً، وأن يكون القبول للتعليم العالي على قدم المساواة التامة للجميع وعلى أساس الكفاءة وبصرف النظر عن القدرة المالية ".

مادة 9 "لكل مواطن الحق في المشاركة في الحياة الثقافية بتنوعاتها المختلفة، ويتضمن ذلك الحق في حرية الإختيار وحرية التعبير في الحياة العامة أو الخاصة وحرية ممارسة الأنشطة الثقافية وإنتاج الخدمات الثقافية ونشرها وحرية تنمية المعارف والبحث عن المعلومات وتلقيها ونشرها والاستفادة من وسائل الإعلام والاتصال المختلفة".

مادة 10 "لكل مصري الحق في التمتع بحرمة حياته الخاصة، بما يشمل حياة أسرته ومسكنه ومراسلاته وشرفه وسمعته، وأن يخضع لقانون الأحوال الشخصية الذي يتفق ومعتقداته دون الإضرار بحقوق الآخرين، ولكل شخص الحق في حماية القانون لهذه الحرمات".

مادة 11 "هذه الوثيقة جزءاً لا يتجزأ من الدستور، والحقوق الواردة فيها غير قابلة للإلغاء أو التنازل أو التعديل أو التقييد، ويحق لكل مصري التمتع بها دون أي تمييز أو تفرقة، ويشكل انتهاك أي من هذه الحقوق أو التحريض على انتهاك أي من هذه الحقوق جريمة ضد الدستور، سواء تم هذا الانتهاك بخرق القانون أوالدستور أو بتغيير أو محاولة تغيير أي منهما، ويحق لكل مصري دون تمييز اللجوء إلى القضاء لوقف مثل هذا الانتهاك أو التحريض على مثل هذا الانتهاك ومعاقبة مرتكبيه".

الاثنين، 13 يونيو، 2011

جاسوس الثورة..!


 فاكرين لما مراكز القوى حاولت تثبّت التعلب اللي اسمه السادات وقدموا استقالاتهم، هو عمل إيه؟ ببساطة، خد الخازوق من إيديهم و.. و قبل استقالاتهم..
..
بمناسبة إيه بأقول الكلام ده؟
..
عشان الخبر اللي هز وشخلع مصر إمبارح، قصدي خبر القبض على الجاسوس الإسرائيلي اللي كان ظابط في الموساد.. الزتونة في الموضوع مش عشان هو موسادي قديم ولا عشان بيتجسس.. لكن عشان ألبوم الصور اللي اتوزع على الجرايد ومواقع الأخبار المصرية.
..
الجاسوس الإسرائيلي ح تلاقيه متصور في ميدان التحرير ومع متظاهرين وكمان رافع يافطة ضد مبارك !
..
يعني باختصار يا إخوانا، الشباب اللي عمل ثورة كان مضحوك عليه والموساد هو اللي بيحركه ضد مبارك.. 
..
بتقولوا مين يا ولاد؟ مبارك.. الموساد ما كانش بيحب مبارك؟ ممم.. طويب (زي بتاعة يسري فودة)..
..
المهم.. نرجع لمرجعونا مع الريس السادات اللي فهم مهموز مراكز القوى ورده بالعكس..
..
يعني نعمل إيه إحنا؟
..
ولا حاجة.. هما بيقولوا جاسوس.. إحنا نقول آمين.. جاسوس ابن جاسوس كمان..
..
ونقول كمان إزاي إسرائيل بنت الـ(تييييييت1)* دي تعمل كده مع مصر؟ هما الصهاينة دول مش ناويين يجيبوها لبر ولا إيه؟
..
ولازم نساند المجلس العسكري اللي حاكمنا يا جدع قصاد الصهاينة ولاد الـ(تييييت 2)** دول..
..
نساندهم إزاي؟
..
الجمعة اللي جاية..
..
"جمعة قطع الغاز عن إسرائيل"..!

--------------------------------
* شتيمة
** شتيمة تانية