كل سنة وإنت طيب يا ريس: وفي 9 مليون مصري عندهم فيروس سي.
(شوف الإهمال يا ريس، طب مش مصطبين أنتي فيروس ليه؟)
كل سنة وإنت طيب يا ريس: وفي 7 مليون مصري مش واصل لهم ميه في بيوتهم.
(طب ما يشتروا ميه معدنية! ناس ولاد طيط يا ريس!)
كل سنة وإنت طيب يا ريس: وفي 6 آلاف مصري بيموتوا في حوادث المرور كل سنة.
(يستاهلوا عشان مش بيبصوا شمال ويمين قبل ما يعدوا الشارع)
كل سنة وإنت طيب يا ريس: وما فيش جامعة مصرية توحد ربنا عارفة تدخل في قائمة أفضل 500 جامعة في العالم.
(قائمة إيه؟ مش دي اللي بيمضي عليها العريس يوم كتب كتابه؟!)
كل سنة وإنت طيب يا ريس: وفي 17 مليون أمي في مصر، مش ح يعرفوا يقروا الكلام ده.
(يا بختهم!)
ليست هناك تعليقات:
إرسال تعليق