بسم الله الرحمن الرحيم
أيها المواطنون..
في هذه الظروف العصيبة التي تمر بها البلاد.. قرر الرئيس محمد حسني مبارك تخليه عن منصب رئيس الجمهورية وكلف المجلس الأعلى للقوات المسلحة بإدارة شؤون البلاد..
والله الموفق والمستعان
..
عقب هذا البيان "الشهير" الذي تلاه نائب رئيس الجمهورية عمر سليمان خرجت جموع المواطنين المصريين في فرحة غامرة محتفلة بـ"انتصار" الثورة المصرية ونجاحها في "إسقاط" الرئيس مبارك.
..
وبالطبع توالت ردود الأفعال الدولية مهنئة الشعب المصري وقد ظهر هذا في كلمات المديح والإعجاب التي ذكرها قادة العالم.
..
لكن.. هل استقال مبارك بالفعل؟
..
سأجيبك بكلمات مقتضبة كما فعل السيد عمر سليمان.. الرئيس محمد حسني مبارك ما زال رئيساً للبلاد.. ورسمياً..!
..
مهلاً عزيزي القارئ.. قبل أن تبدأ بالسب واللعن.. لماذا لا نذهب سوياً إلى نصوص مواد الدستور المصري قبل أن يتم تعطيل العمل به وهو أمر لاحق لقرار "التخلي عن الحكم " الذي أذاعه النائب عمر سليمان.
المادة (83)
إذا قدم رئيس الجمهورية استقالته من منصبه وجه كتاب الاستقالة إلى مجلس الشعب.
أعتقد أن المادة واضحة كالشمس..
..
الدستور ينص على أن رئيس الجمهورية إذا أراد الاستقالة وجه خطاباً إلى مجلس الشعب بذلك..
..
لكن ما الذي قاله السيد عمر سليمان؟
..
قرار مبارك بالتخلي عن الحكم.. ما معنى هذه الجملة؟ ولماذا لم يقل النائب: قرر مبارك الاستقالة بشكل صريح؟
..
الدستور المصري لا يوجد به صيغة: التخلي عن الحكم أو حتى التنحي..!
..
وإن كان الأمر غير مقصود وأنه مجرد صيغة بنائية مقصود بها الاستقالة، فأين هو خطاب الاستقالة الذي وجهه مبارك إلى مجلس الشعب أو حتى إلى رئيس مجلس الشعب وكلاهما كان موجوداً قبل أن يُصدر قرار "لاحق" بحل مجلس الشعب؟
..
"قرر الرئيس محمد حسني مبارك تخليه عن منصب رئيس الجمهورية"
..
الاستفسار الثاني والذي لا يقل أهمية عن الأول هو: متى هذا التخلي عن الحكم؟
..
مبارك قرر التخلي عن الحكم، لكن متى؟ الآن بعد شهر أم بعد 6 أشهر؟
..
وما تفسير البيان الثالث للمجلس الأعلى للقوات المسلحة الذي قدم التحية والتقدير إلى "السيد الرئيس محمد حسني مبارك" على ما قدمه في مسيرة العمل الوطني..
وقد خاطب البيان مبارك بـ"السيد الرئيس" وليس الرئيس السابق إن كان قد استقال بالفعل.. ولا مجال للتبرير أنها مجرد زلة لسان.. فهذا غير مسموح بطبيعة الحال مع بيان عسكري وتاريخي مثل هذا.
..
أخيراً.. إن كان مبارك قد استقال بالفعل فيجب أن يتم نشر خطاب الاستقالة علناً وممهوراً بتوقيعه هو نفسه بالإضافة إلى تاريخ يوم الاستقالة..
..
وإلى حين أن يتم ذلك..
..
ففي تقديري أننا نعيش ضمن أكبر خدعة في التاريخ لم تنطل على شعب بأكمله فحسب بل على العالم أجمع..!
شكراً لك، ارجو أن يفهم جميع المصريين هذا، وبدلاً من تبادل التهاني للنجاح المزيف للثورة، أن يفيقوا ويكملوا المشوار لتحقيق الهدف الأكبر وهوإسقاط النظام
ردحذفشكراً لك
مفتكرش ابدا و متمناش و هيتنفخ لو كن بيفكر فى كدة
ردحذفعلى فكرة انا غير معرف رقم 2 :)
ردحذفافتكر ان حنا هنرجع التحرير تانى
اقسم بالله العظيم ان دة لو حصل او كان الجيش معاه فى اللعبة دية ليكون اخر يوم فى عمر كل عيال حسنى وكل من لة صلة بحسنى حتى لو واحد سلم علية غلط فى يوم الناس اللى وقفت امام الرصاص الحى والمطاطى فى يوم 28-2 -2011 بقو اضعاف العدد اللى نزل فى التحرير يومها ولا اعتقد وانا من اشد المتشامين وممكن تعتبرنى مصاب بحالة برانويا (حالة الشعور بالاضطهاد )ان عائلة حسنى قد قررت الانتحار الفعلى لا السياسى
ردحذفاسئل الله العظيم رب العرش العظيم ان يرينة فيك انت وامثالك كلاب امريكا عجائب قدرتة ويجعلكم عبرة واية لكل خائن وعميل واي ديمقراطية يامتخلفين الديمقراطية ان يكون في استفتاء للشعب علي بقاء الرئيس من عدمة مضر لكل المضرين مش لكلاب ميدان التخريب وثورة اي التضرف عليكم امريكا واسرائيل يامتامرين ياحسالة المجتمع وان تنضروا الله فلا غالب لكم ولاياتي الضلاح من اهل الفساد هكدا علمنا رسول الله ضلى الله عليه وسلم
حذفبتنكد علينا ليه يابنى ما كنا فرحانين
ردحذفهو انت غاوى تقفلها فى وشنا
koko jumpo وذنبه على جنبه
ردحذفكلامك صحيح ومنطقي وسليم. مبارك يحكم من وراء الستار. قالوا له اتدارى شوية لحد ما نهمد الطريق لعودتك أو عودة ابنك أو أحد من حاشيتك. حسني مبارك لم يغادر مصر، إذن هو مطمئن على حياته وماله وأسرته. ما التفسير؟ ببساطة مبارك يمسك مقاليد الأمور بيده والجيش ينفذ أجندته للأسف!
ردحذفع البركه حتى أيام التحرير كانت جميله والله.. نقوم نجهز نفسنا بقى :)
ردحذفحقيقي جميلة مع البنات واكل وشرب بلاش ههههههههههههههههههههههههه
حذفتسلم ايدك
ردحذفالثورة لابد ان تستمر وبقوة
ياعم اذا كان مجلس الشعب اتحل هو والشورى وقالوا دي حكومة تسيير اعمال مش حكومة رئيسية وكل رموز الفساد بيتحاكموا واصلا عمره ما يفكر يرجع كفايه بس امبارح الجمعة شوف الناس كانت اد ايه مش في القاهرة بس في المحافظات كلها يعني كده يعرف انه لو بيخدع الشعب هيطلع عينه وعين اللي عمل كده مع الشعب متقلقش احنا مش هناخد علي افانا تاني هو عارف هنجمع نفسنا ازاي يا جماعة هنقول علي الفيس بوك هنجمع في المكان كذا كله هيتجمع والتحرير مش بعيد لدرجة القوات المسلحة عملت جروب علي الفيس بوك في يومين بقوا 350 الف عشان يعرف بس ان احنا مش اي كلام
ردحذفانا معك ان الكلام منطقي .. لكن خلينا نفكر تاني قبل ما هو يتخلى عن منصبة .. قولنا ان أصلا شرعيته سقطت ..ولا نحتاج استقالة..الشرعية هي شرعية الثورة التي تفرض نفسها ..ومعنى ذلك أن مبارك مخلوع شاء أم أيى هو واللي معاه .. رأيي أن نتجاوزه لأن الرئيس المخلوع يعود لو انك اصريت انه مازال رئيسا ولم ينخلع بعد .. فبلاش نقع في الفخ ده .. أنا مع العودة للتحرير لاستكمال المطالب وانتخابات رئاسية مبكرة عشان نقفل الموضوع ده ..
ردحذفما صدقنا مصر بدات تهدى كلامك مجرد استنتاج مفيييييش دليل واضح مجرد استنتاجات طب انا ممكن استنتج ان الخبر ده عشان المظاهرات ترجع تاني و تخسر مصر اكتر
ردحذفكلامك يضايق و اللي يصدقه يضايق اكتر
راعو ربنا و اشتغلو و ادعو ملناش غير ربنا دلوقتي بلاش حد يفتي
اول حاجه انتا يا اما من الناس اللي بتحب تتفلسف عشان تلفت الانتباه يا اما مالكش في السياسه ليه عشان دي حاله استثنائيه ترك فيها الرئيس السلطه للجيش لانه لو استقال او تنحي المفروض النائب يمسك او الدستوريه العليا لو مفيش نائب انما ده تنازل لكل سلطة البلد للجهه السياديه و القويه التي تستطيع ادارة البلد في هذه الحاله من الثوره يعني حاجه زي انقلاب بتسقط فيها كل حاجه في البلد حتي الدستور
ردحذفكلام غير دقيق ومبارك ترك السلطه فعلا وانتهي الامر كون ان القوات المسلحه تكرمه كرمز فهذا شيء طبيعي والا بكره الموضوع يقلب علي باقي رموز الجيش مجرد جمله احترازيه
ردحذفكفايه تفكير بالشكل ده ولتشكيك في كل شئ واحساس المؤامره اللي عايشين بيه دايما
ردحذفالكلام ده لو صحيح قول على الكلاب الى فى البلد كلهم الى جهنم لأن نهيتهم اتكون اسود مما يتصوروا والأيام بيننا لتثبت ذلك ولا سلام غير نار على الكلاب
ردحذفكفاااااااااااااااااااية يا جماعة حرام عليكم هاتعملوا فتنة في البلد
ردحذفحسني مبارك ساب الحكم خلاص، و البيان قال إن البلد دلوقتي في يد الجيش، و الجيش أعلن صراحه ولاؤه للشعب و عدم رغبته في الحكم
لو الجيش كان عايز يخون كان خان من الأول و ضرب الناس اللي في التحرير
انتو ليه مش متخيلين ان في حد بيحب البلد و عايزها أحسن
اتقوا الله و بلا نعمر بلدنا و كفايه نضيع وقت في الإتهامات
اذا لم يســـتقل لما ذكرت ويقدم الاستقاله الى مجلس الشعب .. فلا بد ان تعرف ان مجلس الشعب فى هذا الوقت لم يكون شريعا بسبب الطعون المقدمه فى شريعة الاعضاء وتم تعليق الجلسات للاعضاء لم شريعة أغلب الاعضاء أى فى حكم عدم الوجود .. ولابد ان يعرف الجميع ان القوات المسلحة مهمتها حماية الشريعة فى البلاد .. والشريعة الغالبه هى الشعب قبل رئيس الجمهورية ولا تسطيع القوات المسلحة ان تقف ضد الشعب ابدا واذا حدث لا قدر الله ذلك ستكون النتيجة فناء هذه البلد
ردحذفياريت الناس كلها تنشر الخبر دا في اسرع وقت دا مش وقت كلام
ردحذفده يعني ترك منصب رئيس الجمهورية وتخليه لصالح المجلس الاعلى للقوات المسلحة أنه خُلع بشكل كامل ولصالح شرعية الثورة، لانه لو إستقال حيجي نائبه او رئيس مجلس الشعب او رئيس المحكمة الدستورية، الشعب لا يريد النائب ولا يريد رئيس مجلس الشعب سرور، ومبارك كان يرفض تسليم الرئاسة لرئيس المحكمة الدستورية، أصلا وفق ما علمت مبارك كان يقول في آخر ساعات من حكمه وبعد أن إتضح له كل شيء، الشعب لا يريده والامريكان تخلوا عنه، فقد حسم أمره وقال أريد الخروج بشكل مشرف ولكن مش حسلمها لا للامريكان ولا للاخوان بل للشباب في الميدان، طبعا كلامه ده كان بسبب غضبه وحنقه على الموقف الامريكي ونكاية بالاخوان المسلمين. النهاية انه خرج بلا عودة كشخص ولكن نظامه باقي وهناك ثورة مضادة تحصل وراء الكواليس وتقاد من شرم الشيخ كما قال الدكتور هيكل
ردحذفمجلس شعب ايه و دستور ايه بس !!!
ردحذفده انقلاب عسكري ضد الرئيس بس بشياكه يعني الدستور و مجلس الشعب خلاص بح
عيب لما نشكك في الجيش بتاعنا دول مصريين و أهلنا دول مش مرتزقه زي بتوع ليبيا و لا متجنسيين زي البحرين
و الله عيب عليكم يا جماعه عيب
مبارك ايه بس !!! ماهو راح و استريحنا من حكمه و حكم الحاشيه الي حوليه !!!!!!
أرحموا نفسكم بقى هي كل الناس بقت مريضه بالشك !!!!!!!!!!!!!!!! ربنا يشفي
يا عم الامور بلاش تشائم لان نقل الصلاحيات إلى المجلس العسكري يعني بالبديهي لا يملك سلطة الحكم وبلاش فتنه خلي الناس تشوف شغلها ونبني بلدنا ، وحتى لو ما استقال احنا نتابع خطوات تغيير الدستور واحنا اللي هننتخب الرئيس الجديد اللي نراه الاصلح ولا احد يملي علينا اسماء هذا هو التغيير
ردحذفمع احترامى لك
ردحذفده كلام غير مظبوط على الاطلاق
مبارك تنحى رسميا وسيبنا من التلاعب بالالفاظ
وبصراحة شكلك كده عاوز تعمل فتنة بين الشعب
يا ريت يا جماعة تمسحوا التخريف ده عشان مش وقت التهريج لامثالك
يا مسلمين هو كل رئيس دولة اما يقتل او يهان سيدنا عمر بن الخطاب اتقتل وسيدنا عثمان وعلى والحسن والحسين وغيرهم وعبد الناصر ومحمد نجيب والسادات عايزين مرة رثيس دولة يخرج بكرامتة والان الكبار بيتحاكموا والوزراء فى السجن والباقى جاى احنا مسلمين عيب علينالما نهين كبرائنا
ردحذفقالها في مجلش الشعب او في التلفزيون او حتي في الحمام،هو سقط امامنا و امام العلم كلة
ردحذفالسؤال طيب مفروض نعمل اية الان
ردحذفانا فى راى ننزل نولع فى شرم الشيخ و فى مجلس الوزراء و فى كل الاقسام و الامن المركزى و بالمرة نولع فى الجيش و كل البلد
و بالمرة نولع فى المدونة دى يا اسامة و نولع فى نفسنا انا و انت
هههههههههههههههههه
"الفتنة نائمة لعن الله من أيقظها"
ردحذفوالله انا شاكة في الموضوع برضه يا أسامة ،وحاسة انه في لعبة في الموضوع ،، خليكم صاحيين وميدان التحرير جاهز انا سمعت انه الـ 80 مليون مصري اخذوا مبايلات بعض !! يعني خليكم ع رنة ,,
ردحذفوربنا معاكم يارب.
انت غبى كييييييييييييييييييييييك
ردحذفعلى فكرة نغمة التشكيك فى نتائج الثورة و فى الجيش بقت زيادة عن الازم و انا لسة قارى مقالة بالمعنى دة بردو واننا مضحوك علينا وغيره و الكلام دة هو اللى هيضيع كل اللى وصلناله و ممكن يكون وراه النظام السابق اتقو الله وبلاش كلام فارغ
ردحذفهذا الكلا من دسائس الموساد حتى يحدث انقلاب على الجيش و هذا ما يتمنوه لانهم فشلوا في احداث قتنة بين الشعب و بعضه فيحاولو ان يبثوا الفتنة بين طرفي الثورة الشعب و الجيش
ردحذفHOWA AY HABAL W KHALAS!!! HOWA BEYKALEM NAS F 7ADAN DA BEYKALEM SHA3B W GEHAT SEYASEIA YABO EL 3OREIF!!!YA3NY LAW REGE3 F KALAMO ASLN KOL EL 3ALAM HAYE2LEB 3ALIH W EL SHA3B AKID MOSH HAYESKOT,,,,KEFAYA BA2A NON SENSE W KLAM MALOOSH LAZMA 3ASHAN NEWALA3 EL DENYA W KHALAS!!! BA2A SHO3'L ATFAAL BEGADD KEFAYA !!KEFAYA!!
ردحذفel dostoor not valid any more ya 7ag enta beterghy fee eih, mubarak is out and for good
ردحذفهذا الكلام غير معقول فان هذه البيانات لا يجوز ان يتم فيها تلاعب او خدع ففي الظروف الراهنة التى تمر بها البلاد ليس من الضرورى ارسال خطاب بالاستقالة فان تخليه عن منصب الرئاسة يعنى استقالته من المنصب و يعنى ان ليس له الحق في اصدار قرارات او عمل اى اجراءات تخص شئون البلاد و تولى المجلس الاعلى للقوات المسلحة حكم البلاد فى الفترة الانتقالية فاذا مات مبارك بعد تخليه عن الحكم مباشرة كيف نحصل منه على توقيع الاستقالة فمضطرين لان ننتظر حتى يبعثه الله تعالى لنا مرة اخرى ليوقع على الاسستقالة لنكون مافقين لما نص عليه الدستور (طبعا كلام فارغ)
ردحذفالريس لو عمل كدا بس علشان ما يبقاش متهان مش طمعان فى سلطة وياريت لو حصل حفلة تكريم بس انما متتخدش انها ضحك علينا على فكرة كان ممكن يقضى على الثورة لانة القائد الاعلى للقوات المسلحةالى الثورة بتتحمى فيها وكمان منع المشبوهين من السفر وبيحاكمهم بس محبش يضحى باولادة علشان الكرسى المفروض احنا نكون محترمين ونكرمة كان ممكن اوى يهرب ويهرب الوزرا بس هو قال انا مش هموت وادفن غير فى بلدى ارجوكم احترموا رئيسنا فى اخر ايامة
ردحذفهذا لا يليق بالقوات المسلحه ولا يمكن ان تقبل ان تعي مثل هذا الدور
ردحذفده كلام غير مظبوط على الاطلاق
ردحذفمبارك تنحى رسميا وسيبنا من التلاعب بالالفاظ
وبصراحة شكلك كده عاوز تعمل فتنة بين الشعب
يا ريت يا جماعة تمسحوا التخريف ده عشان مش وقت التهريج لامثالك
للعلم ان كان الفساد كان موجود من مبارك واعوانه
فبردوا المعارضه والاخوان كلهم فساد لا يقل
كتير عن مبارك وفاسديه
معظم فلوس الاخوان غسيل اموال وهي ليست بالقليل دي مليارات
وعلي سبيل المثال لا الحصر مصطفي بكري و البدوي و الملياردير محمد حسنين هيكل وغيرهم كتيرر استفادوا كتيييير وخدوا... من النظام هدايا كتييييير علي شكل تخصيص اراضي بالملايين علشان يسكتوا ودلوقتي راكبين الثوره وعاملين وطنييين... عجبت لك يا زمن!!!
يا ريت ناخد بالنا من ثورتنا عشان الاخوان راكبين الكل الان ومحدش يقول غير كده
لانهم يوم الجمعه ماطلعوش حد علي المسرح غيرهم مسك المايك
كنتم فين يا شباب الثوره وسبتوهم ليه ؟؟؟
ذكر موقع "دبكة فايل" المتخصص في الشؤون الأمنية والمخابراتية أن حسني مبارك الرئيس السابق لمصر ما زال يرى نفسه رئيسًا لمصر، وأن الجيش قام بانقلاب ضده، مؤكدًا أنه لم يوقع أو يوافق على البيان الذي أذاعه نائب الرئيس عمر سليمان.
ردحذفوأضاف الموقع أن مبارك كان يتحدث هاتفيًّا مع ملك السعودية الملك عبد الله يوم الجمعة 11 فبراير، بعدما ظهر نائبه عمر سليمان على شاشة التليفزيون يعلن تخليه عن السلطة وتسليمها للجيش، واصفًا ما يحدث بالانقلاب العسكري المدعوم بضغط الولايات المتحدة، قائلاً: "لم يكن لدي فكرة أن عمر سليمان سيقرأ هذا البيان، فأنا لم أكن لأسمح بالتوقيع أو الموافقة على ما أُعلن".
وأشار الموقع إلى أن الملك السعودي أبدى تفهمه لدهشة الرئيس السابق، وأعرب عن استعداد حكومة السعودية لتلبية أي طلب من الرئيس لمساعدته.
وأضاف الموقع أن مبارك ما زال يرى نفسه الرئيس الشرعي لمصر، ونتيجة لذلك قام المجلس الأعلى للقوات المسلحة في 13 فبراير بإلغاء الدستور، وفقًا للموقع، وإلا كان مبارك على حق، ولم يكن للجيش سلطة إصدار القرارات والقوانين دون موافقته.
وأشار الموقع إلى أن الغربيين المتعاطفين مع المجلس العسكري رأوا في البيان العسكري -في قراءة سريعة- تعهدًا بعمل انتخابات خلال 6 أشهر، وهو ما لم ينص عليه البيان بالضبط، فما أعلن عنه المجلس العسكري أن الحكومة المعينة من قبل مبارك ستبقى لمدة 6 أشهر، أو حتى الانتخابات والتي لا يمكن إجراؤها حتى وضع دستور جديد، لأن الدستور القديم تم إلغاؤه، مخلفًا فراغًا لا يملؤه إلا الأحكام العرفية، وتعهد غير واضح لموعد الانتخابات.
وأضاف الموقع أن عائلة مبارك قامَت بتحويل جزء كبير من ثرواتهم -المقدرة ما بين 20 إلى 70 مليار دولار- من بنوك أوروبا إلى دول الخليج والإمارات، لقاء ضمانات شخصية من الملك عبد الله والشيخ خليفة آل نهيان، بعدم تدخل
أطراف خارجية في الأزمة، وهو نفس ما حدث مع الرئيس التونسي المخلوع زين العابدين بن علي، مشيرًا إلى أن مصادر أوروبية وخليجية أمدت الموقع بتلك المعلومات.
وصرح مصدر مالي سويسري بأن "مبارك لو كان لديه أرصدة في زيورخ، فلا بد أنها اختفت الآن"، وأضاف الموقع أن التحويلات وقعت في يومي 12/13 فبراير، بالرغم من أن هذين اليومين إجازة في بنوك أوروبا.
أولا هيكل دة أكبر أفاق ونصاب في التاريخ الحديث .. دة للناس اللي بتستشهد بكلامه يعني .. ثانيا .. الثورة المضادة أو مسيرة تكريم الريس مش طالعة من شرم الشيخ ولا الغردقة .. بس انتوا خلاص ماشيين بقوانين ثورة يوليو .. من ليس معي فهو ضدي .. والقائمة السوداء اللي بتضم كل من هو مخالف للثورة .. والدعارة الاعلامية التي أخرست كل الألسنة عدا لسان الثورة .. رجعنا تاني لمراكز القوى وقريب قوي هانشوف المعتقلات .. وبعدين ماتخليكم في التحرير هو انتوا كنتوا سبتوه امتى ؟؟؟ وعلى رأيكم كانت ايام جميلة .. كنتوا قالبينها كوكي بارك مش ثورة .. الناس اللي بتقول ال80 مليون معاهم موبايلات بعض ، لو جبتوا بس موبايلات أغلبية ال80 مليون يبقى انتوا حقيقي بتتكلموا باسم الشعب ولكم حق تولعوا في الثورة المضادة .. لكن لما تبقوا 2 ولا 3 مليون دة لو فرضنا المستحيل وان ميدان التحرير اللي مساحته 40 الف متر يستوعب الرقم دة ، وعمالين تتدخلوا بمنتهى الديكتاتورية في سياسة الدولة وكأننا أطفال أو قصر وانتم أوصياء علينا .. يبقى ماتفتوش بأة وتقولوا ثورة مضادة .. دة الشعب اللي انتم حكمتوا واتحكمتم باسمه بدون وجه حق ومن حقه يقول لأ حتى لو حطيتوه في القائمة السوداء
ردحذفههههههههههههههههههههههههههههههههههه
ردحذفelbny 2dm dh 3ayz ywl3ha w 5alas , l2no my2drsh y3ml kda , howa msh tfl , w dyh 7aga 2odam el3alm kolo shayfha , lw 2d7k 3alena , tftkro hyd7k 3al 3alm kolo b5bora2oh w rgal elsyasa bto3oh ?!!!!!!!!!!!
ردحذفانا نفسى بس بلاش نفضل نرمى كلام على بعض وبلاش نفضل نألف ونقول كلام مش فاهمينه...وبلاش اى حد عنده تفسير شخصى او تحليل شخصى او كلمتين سمعهم من حتة يخليها فى سره....محدش محتاج ثقافة حد او اجتهاداته الشخصية اللى تعمل ذبذبة وخلاص....واتغاظت من جملة كوكى بارك دى....ومحدش من اللى التحرير قال معانا موبايلات بعض...لان ببساطة يا فندم مش كل اللى نزلوا معاهم موبايلات يعنى....وبغض النظر عن الارقام الهولامية اللى حضرتك بتقولها....بس معلش يا جماعة الى عاوز يكم مبارك علشان احنا مسلمين وميصحش نهين رمز....انهى رمز بالظبط؟؟؟ على فكرة انا شخصيا متعملة تعليم عالى وفى كلية من كليات القمة زى ما بيقولوا وطبعا ده كلام فاضى...لا قمة ولا قاع... فكلامى ده مش من منطقى ضعف....الرمز هو اللى يحافظ على كرامته وكرامة شعبه....اشمعنى احنا اللى مطلوب مننا نسامح...ونسامح فى ايه.....لو حد منكم ماتله حد فى عبارة ولا سماد مسرطن ولا كبد وبائى ولا حتى فى احتكاكات امن...مكنش هيبقى ردكم كده....يا ريت بلاش نتكلم واحنا ايدينا فى الميه الباردة....ولازم الفساد يتنضف من الجذور حتى ثماره علشان نعرف نبتدى صح....يعنى عاجبكوا نفس سيناريوهات البلاد العربية....احنا بنى ادمين يا شباب مش شوية قشاط طولة الرمز يحركها على كيفه
ردحذفايه الهبل اللى انتوا فيه ده انتوا مش لاقين حاجة تقولوها
ردحذفيا جماعة العاشرة مساءا بتقول الموقع ده اسرائيلى
ردحذفيا جماعة العاشرة مساءا بتقول الموقع ده اسرائيلى
يا جماعة العاشرة مساءا بتقول الموقع ده اسرائيلى
يا جماعة العاشرة مساءا بتقول الموقع ده اسرائيلى
يا جماعة العاشرة مساءا بتقول الموقع ده اسرائيلى
ده يا رييييييييييييييييييت يبقى الموقع ده اسرائيلى انا والله اتمنى....علشان فى كلمتين كده محشورين فى زورى ولازم اقولهم بس يا ريت لكونوا بيعرفوا عربى.....عاوزة اقولهم...انسوااااااااااا
ردحذفانا مصرية مسلمة ومحترمة كل الديانات السماوية....لكن بالنسبالى انتوا مش كده....اديكوا شفتوا الشعب المصرى واصراره وحرصه على حريته....احنا بنكرهكم علشان انتوا متستحقوش الاحترام من اى بنى ادم....لانكم اعداء الانسانية....وان شاء الله يومكم جاى...وقريب اوى....والقدس هتتحرر...والعرب هيتحدوا...وادينا بنفوق واحدة واحدة اهو...واحنا مؤمنين انكم ليكم أخر....زى ما انتوا مؤمنين ان دولتكم من النيل للفراط....احب اقولكم انسوااااااا.....انتوا جبناء ودايما خايفين من اللى بره...دايما خايفين على أمنكم....عارفين ليه....علشان اللى بيخاف هو اللى واخد حاجة مش من حقه....وبيدافع بارخص انواع الدفاع...قتل وتعذيب وتمثيل بالبنى ادمين....بحييكم بجد على كمية الذنوب اللى هتشيلوها على كتافكم....وبكرة هييجى اليوم الىل نخليكمش عارفين حتى تعيشوا زى ما انتوا عاملين فى القدس من 48 وزى ما عملتوا فينا احنا كمان.....لسه التار هيتاخد....ومش هنرحمكم...ممكن نرحم المدنيين منكم وبس...رغم ان عليهم مسئولية برده....بس كلمة اخيرة....انتوا احقر مجموعة من البشر..اللى حتى كتير عليكم كلمة بشر
كفايه خرط بقى انتوا هتفتوا مافيش رئيس فى الدينا هيقول انا هستقيل ده اساسى يعنى وخصوصا لو حصل ثورات ضده لازم يمشى بهدوء وبعدين ده نائب الرئيس يعنى يقدر يعلن اى حاجه كفايه هجص بقى وماتعيشوش الاوهام
ردحذفحسنى مبارك طرد من الحكم ليس لة أن يستقيل الجيش مكسوف يعاملة كشخص عادى بس مايقضروش يلعبوا بالشعب لان دى هاتبقى نهاية الجيش المصرى فى مصر هينقلب من داخلة على قوادة بسبب اللعب بالشعب
ردحذفحسنى مبارك طرد من الحكم ليس لة أن يستقيل الجيش مكسوف يعاملة كشخص عادى بس مايقضروش يلعبوا بالشعب لان دى هاتبقى نهاية الجيش المصرى فى مصر هينقلب من داخلة على قوادة بسبب اللعب بالشعب
ردحذفحسنى مبارك طرد من الحكم ليس لة أن يستقيل الجيش مكسوف يعاملة كشخص عادى بس مايقضروش يلعبوا بالشعب لان دى هاتبقى نهاية الجيش المصرى فى مصر هينقلب من داخلة على قوادة بسبب اللعب بالشعب
ردحذفاولا: الفتنه والسموم اللى بتبثوها فى نفوس الشباب ملهاش لازمة هو لما لقيتوا الشباب واعى وفاهم وابتدوا ينظفوا فى الشوارع ويعمروا قولتوا نخترعلهم حاجه تفرقهم وتفتتهم والانشقاق ينزرع
ردحذفثانيا : موقع الدبكة ده اسرائيلى والكل عارف ان كل اخباره قايمة على الاشاعات واللى درس علم الاشاعات عارف انها بتستخدم فى الحروب كسلاح وان دى حروب موجهه وان هناك عدة انواع للشائعات البيضة والسودا والرمادى فارحمونا بقى تجيبوا جزء من حاجه حصلت تغلفوها بأكاذيب وتوزعوها لتبثوا سمكم على الشباب انما اللى هيصدق الاشاعات دى يبقى اثبت فعلا انه جاهل ومتخلف وميستهلش كلمة مصرى فى البطاقة " المسلم كيس فطن " بلاش تخلف واللى بيدافع عن حسنين هيكل اقروا التاريخ كويس واعرفوا الناس اللى عمالين تمجدوا فيهم وانتوا مش فاهمين قبل متقول رايك فى حد وتبقى خروف مش فاهم ماشى ورا القطيع اقرا دينك بيقولك اقرا اللى هيودى البلد دى فى داهية الجهل والاشاعات والجرى وراها وبث روح عدم الثقة فى كل من حولنا وتخوين كل من يقول راى مخالف لرأينا اين الحرية الذى نادينا بها اين الديمقراطية التى حلمنا بها هل هو كلام وخلاص !!! ارحمونا وارحموا نفسكم وارحموا الناس اللى انقطع اكل عيشهم الناس البسيطه اللى اعتمادها على اللف يبيع اى حاجه يطلع بيها لقمة عيشة هو واسرته .. ايه ناويين نعمل زى لبنان كل شويه نغير حكومة ومنتفقش على راى وكل واحد بيفضل مصالحه الشخصية فوقوا بقى الحلم المفروض يبتدى مش المفروض يموت بعد متولد قولنا يمشى مشى قولنا يتحبسوا ويتحاكموا حصل قولنا حل البرلمان حصل بلاش نبقى زى الاطفال وطلباتنا متخلصش لازم نفكر بالعقل
لازم ثقتنا تكون كبيره جدا بالجيش مش ناقصين كمان يوقعونا فى الجيش كده بجد يبقى البلد خربت فين صوت الضمير والعقل البلد دى هنتحاسب على اى حاجه عملناها فى تدميرة زينا زى اللى بتحاكموا دلوقتى خافوا من ربنا الفتنه لو قامت اكتر من كده هتاكل الاخضر واليابس وربنا يستر على اللى مخبياه الدنيا
I admire your messages by my mind, but when i ask my heart i find no answer. Demon influences our minds, but God is in our hearts. So please stop saying kalam fady. This is an arabic site
ردحذفدي ثورة مش لعب عيال .. يعني الرئيس غير شرعي والمجلسين غير شرعيين وخلصت الحكاية والدستور اتعطل دلوقتي..
ردحذفعاوزين ايه تاني اكتر من كدا
سوري يعني دا عدم فهم للواقع اللي عايشينه ، الواقع اللي بيقول ان الثورة بتقتلع الطغاة بغض الطرف عن الدستور وومجالس الشعب والشورى اللي انتهوا اساسا..
كلام مصدره الرايسى هو الموساد لاحداث الفتن و تهيج الشباب مرة ثانية وتعطيل خطوات الاصلاح التى شرعت بالفعل بالتحقيق ارجوكم لاتلتفتوا لمثل هذه الاقوايل وهيا معا نجنى ثمار ثورتنا ونرفع رايه بلدنا الى اعلى
ردحذفمعا نعمل على اصلاحها فكفى بها ما خسرته
ارحمونا بقي ما سبها للجيش انتو عايزين البلد تخرب مجلش الشعب والشوري اتحل واول ما الدستور يتعدل هتبدا الانتخابات كفايه بقي الي بيحصل ده فتنة وهنروح فين بعد كده
ردحذفواضح إن المدة يللي قعدها الرئيس المخلوع (لإن الثورة خلعته خلاص) مدة طويلة جدا جدا والناس ممكن تصدق إن الغول كان جبار ومن قوته ممكن يرجع تاني، والناس بصراحة لسه خايفة و معذوره فالراجل والنظام الظالم بقالو سنين قاعد على صدور الناس والشعب كاتم بقوة وعند. بس خلاص يا شعب، إنتم تستاهلوا الأنفس الحرة ده وما فيش شعب بيستحق النفس الحر زيكم. خدوا نفسكم بقوة وحرية وفلتحيا قوة الشباب النظيف الحر.
ردحذفياراجل دا لو عيل صغير ركز فى الخطاب كان فهمه حسنى مبارك رحل فعلا ولاداعى اننا ناخد جزء من الكلام ونعمل عليه حوااااااااااااا ر طيب ما الراجل بيقولك فى نفس الخطاب انه هايصدر لاحقا بيانات تحدددالخطوات والاجراءات والتدابير التى ستتبع ماقلكش هايصدر البيان كمان 6 شهور ولا ايه اصحوا وما تجروش وراء الهبل وفوقوا من اجل مصر
ردحذفايه الهبل ده الناس فضيه مش لقليه حاجه تعمله
ردحذفانتو بتستهبلوا
ردحذفهو الريس السابق لما تخلى عن الحكم كان فانهى ظروف
وبعدين مش كنا بنطالب بحلالمجلس ومش واسقين فيه
ورنيس المجلس مش باردو من الى مش موثوق فيهم
والله انتوا عاوزينالبلد تخرب
اتقوا الله فينا وبطلوا شويه علشان الدنيا تتصلحتانى
اتقوا الله فينا
لنا الله شعباوبلدا
لكى الله يا مصر
انا معاك في الكلام ده
ردحذفلاني في ناس لاتزال تمارس مهامها مثل زكريا عزمي رئيس ديوان رئيس الجمهورية و نائب الرئيس عمر سليمان يمارس مهامه كنائب رئيس اي و كأن مبارك لازال الرئيس
لو قال إنه تنحى أو إستقال يمكن ما يخدش باقي حسابه ومستحقاته المالية , لكن يمكن لما يقول (تخلى ) يقدر ياخد باقي مستحقاته ويطلع له معاش كمان
ردحذفيا جماعة الخير ارجوكم هذا الاتجاه في التفكير ليس الا تكسير مجاديف من قبل القلة اللي بتحاول التشكيك في الثورة, و من الواضح ان القوات المسلحة عملت معاه واجب عشان ما يطلعش مخلوع و عملوها في صيغة محترمة شوية
ردحذفو الدليل علي كده ان تم اليوم التحفظ على اموالهم من قبل النائب العام و هذا لا يمكن دستورياً الا على رئيس سابق
لاابد من العمل بعدد شروط يقوم بها ابناء الثروه عدد مطاالب
ردحذف1/ استقاله رسميه للمشير طنطاوى لانه زراع الرئيس الايمن
2/ استقالة جميع الوزاره لانهم اختيار فاشل لرئيس فاشل
والى الاان ياخزونا اوامرهم من مبارك شخصياً
2/ استقالة كل من له صله بالنظام القديم من وزراء محافظين قيادات فى الحزب الوطنى ورساء المؤسسات فى الدوله وبع زالك :
اهئكم بذالك النصر وسلااام عليكم
عندما نزل الشعب الشارع اصبحت الشرعية للشعب فما يطلبه و ما يرتضيه هو الشرعية ليس الدستور ولا مجلس الشعب و لا رئيس و لا حتي للقوات المسلحة و نفس الوضع حدث في تونس لقد سافر بن علي دون حتي خطاب تنحي و اكبر وثيقة تنحي لمبارك تبثها الجزيرة بمعدل 100 مرة في اليوم فالرجاء لا داعي لزعزة ايماننا بالنصر علي مبارك و نمضي قدما في القادم و هو باقي نظام مبارك و ننسي مبارك كل ما نريده منه الان ان يغادر مصر و ان يرد لنا اموالنا
ردحذفالكلام ده قريب جدا من الصحه ومش بس هيكل قاله لا ده ممدوح حمزه وعلاء الاسوانى ويسرى فوده لمح بيه يعنى مش بس الجريده اللى بتقول اسرائيليه وبعدين حسنى ايه اللى مقعده فى شرم ماتقولوليش كلام الافلام ده عايز يموت فى مصر لانه مش بيحبها وسارقها وقاتل شعبها ده ايديه ملوثه بدماء الشهداء وبعدين ما القذافى قاعد فى ليبيا معناها بيحب ليبيا ولا ماسك فى الكرسى ومبارك لو مش حاسس انه فى امان وفى قوه كان هرب عشان مايتحاكمش على السرقه والقتل واكثر هو وولاده وحاشيته لكن هو مطمن اكيد اطمئنانه ده مش عشان هو كويس لكن عشان مسنود كويس هو طبعاً مثله مثل القذافى يسفكوا الدماء من اجل انفسهم ولازم احنا نقف امامهم ولازم نصمم على مطلبنا وحلم الشهداء
ردحذفيا جماعة ماهو علشان كدة الجيش امر بتعطيل الدستور علشان مبارك مايلاقيش حجة يرجع بيها تانى
ردحذففبلاش فتن واشاعات
والكل عارف ان الجيش هو خلع مبارك لانه لو اتخلى بمزاجه كان سابها لعمر سليمان
هو اتخلع
طب انا ممكن استنتج ان الخبر ده عشان المظاهرات ترجع تاني و تخسر مصر اكتر
ردحذفكلامك يضايق و اللي يصدقه يضايق اكتر
راعو ربنا و اشتغلو و ادعو ملناش غير ربنا دلوقتي بلاش حد يفتي
انا بقى دارس الدستور اللى انت بتحكى فى التخلى هو الاستقالة ولو انت بتفهم فى الدستور لازم تعرف ان الدستور لا ينشطر تحت الالفاظ اللغوية ولاكن المواد الدستورية يعنى مجرد اصدار بيان من الجيش بتصريف الاعمال يسقط حتما وجود رائيس للجمهورية اقرا الدستور وتعالى اشتغالنا فى اى حاجة تانية وبعدين مجرد عدم امساك عمر سيلمان للحكم فهذا وحدة يسقط المواد الدستورية والشرعية القانونية لنائب الرئيس وبلتالى يسقط الرئيس نفسة فلا يتبقى الا رائيس الوزراء والحكومة الانتقالية.
ردحذفامس الاثنين كان في ثلاثه من القاده الافاضل مستضيفتهم من الشاذلي واكدوان كل هذا الكلام ليس له صحه والرئيس مبارك اصبح مواطن
ردحذفانا شايف ان بغض النظر عن كل الحورات دي
ردحذففهو حاليا لايحكم
الجيش هو الي بيحكم وبحقق في كل حاجة
الدستور هيتعدل
وكل حاجة هتتغير الموقف اشبه برحيل الملك مفرقتش معاهم سعتها اي
حاجة ومكنش في الدستور اي حاجة
ومجردالكلام عن الموضيع دي دلوقتي يخلي الناس تقلق تاني
اكيد عيزين يشلو الشعب لو دة حقيقى
ردحذفالناس الي بتقول انه الجيش الي بيحكم
ردحذفسليمان قال مبارك تخلى عن منصب رئيس الجمهورية و سلم السلطات للجيش الي هو قائده الاعلى - يعني الكلام معقول جدا
ذكرت صحيفة (نيويورك تايمز) الأحد أن المساعدات العسكرية للجيش المصري والتي تقدر بحوالي 1.3 مليار دولار سنوياً ساهمت في خلق شبكة من الصفقات الداخلية والفساد في الجيش.
ردحذفونقلت الصحيفة عن خبراء ومسؤولين عسكريين أمريكيين سابقين إن المساعدات التي تقدمها واشنطن والتي تقدر بحوالي 40 مليار دولار منذ بدء تطبق البرنامج بعد توقيع معاهدة كامب ديفيد عام 1979 ساهم في تعزيز بيروقراطية عسكرية في مصر عرضة للتعاملات الداخلية وللفساد.
وتدفع وزارة الدفاع الأمريكية (البينتاغون) معظم الأموال مباشرة لشركات الأمريكية تزود الجيش المصري بالأسلحة والطائرات والسفن وغيرها.
غير أن بعض أطراف المعارضة المصرية قالوا إن الرئيس السابق حسني مبارك وجنرالات رفيعي المستوى تمكنوا من تحويل الأموال، على الرغم من إصرار المسؤولين الأمريكيين أنه لا يمكن سرقة هذا المال
اعتقد ان هذه خدعت الكاتب وليس مبارك لانه عندما رأيت الدموع في عين نائبه عمر سليمان ايقنت تماما انه لم يعد لمبارك وجود في مصر الا ذكرياته التي لا يستطيع احد تجريده منها سواء كانت خير او شر
ردحذفهوه فعلا لم يستقل... مبارك الثورةاقالته...بطلوا اوهام بقى
ردحذفمين ده الى ممكن يرجع هو مش خايف من مصير شاوسكو
ردحذفكلام سليم تماما وبعيدا عن الغوغاء ومؤلفي الدساتير والمواثيق واهل المصاطب والفبركه - فلازال مخرج مصر الوحيد أمام العالم اجمع - أن يقف الرئيس مبارك مصافحا الرئيس الجديد امام قصر الرئاسه كما يحدث في الدول المتقدمه - وليس كما حدث تقليدا لدول مجاهل افريقيا - ويومها سوف تهتز الكرة الارضيه وليس العالم - على مولد قوة عظمى في الشرق الاوسط اسمها مصر لما ينتج عن هذه اللحظة الخالده على كل المستويات الاجتماعيه والسياسية والاقتصاديه والعسكرية - ده رأيي لمن لديه عقل
ردحذف