الصفحات

الاثنين، 27 فبراير، 2012

صورة مسربة للبرادعي مع الكتاتني..!



من فاز بجوائز "الأوسكار المصري" على تويتر؟


صورة من موقع startimes

بينما كان الملايين في جميع أنحاء العالم يتابعون بشغف على الشاشات الحفل الرابع والثمانين لتوزيع جوائز الأوسكار، كان لمستخدمي موقع التواصل الاجتماعي تويتر من المصريين نظرة مختلفة حيث قاموا بمنح جوائزهم الخاصة لشخصيات مصرية يعتقدون أن تستحق أوسكار.. حسب وجهة نظرهم الساخرة.

مراسم توزيع جوائز "الأوسكار المصري" استضافها الهاش تاج #OscarMasr  ، حيث منحت @KholoudKamal الإعلامي وائل الإبراشي جائزة " أغرب شعر..".

أما جائزة أفضل أغنية فقام بمنحها @shankspot لأغنية "عبد المنعم الشحات" المهداة إلى الداعية السلفي عبد المنعم الشحات عقب خسارته انتخابات مجلس الشعب مؤخراً.

ولم يمانع @Hammoud_ في استحداث جانب جديد من الجوائز ليمنح جائزته الخاصة إلى الإعلامية هالة سرحان حين كتب.. " أوسكار ( و الرقم القياسي في موسوعة جينيس) لأكتر كمة للمكياج علي وجه واحد....هالة سرحان".

وبطبيعة الحال لم يغب عن مخيلة مانحي الجوائز المجلس العسكري الذي يدير شئون مصر حالياً ، فمنحته @Cleobatta  جائزة "أفضل إخراج".

أما @DinaAminGad فمنحت رئيس الوزراء المصري الأسبق والمرشح المحتمل حالياً للرئاسة الفريق أحمد شفيق جائزة.. "أحلى إيه".. بعد أن انتشرت على المواقع الإلكترونية مقاطع فيديو تسخر من طريقة نطق شفيق لكلمة "إيه" أثناء أحد حواراته التليفزيونية.

أما @Naareman فمنحت جائزة "أطول مسلسل" إلى محاكمة مبارك.. "والتي تغلبت على المسلسلات التركية في طولها" حسب قولها.

وفاز الإعلامي أحمد شوبير الذي يقدم برنامجاً رياضياً بجائزة "أبرع أداء صوتي" التي منحتها له @BerbelNinja متهكمة من شكل صوته المنفعل أثناء نطقه لكلمة "ليه؟" عقب أحداث كارثة مباراة بورسعيد.

الأربعاء، 22 فبراير، 2012

الباشا ملتحي..!


هو مشهد شهير وبيتكرر كتير في الأفلام..

مشهد التحقيق مع المتهمين..
وده اللي الظابط بيحاول فيه يبوظ أعصاب المتهم عشان يعترف..
..
بيعمل إيه بقى؟
..
1- الظابط يقلع الساعة بتاعته ويحطها على المكتب.
2- وبعدين يشمر أكمام القميص.
..
بس يا عم.. وتلاقي المتهم هرّ على طول.. (اوعى تقولي إنت مش فاهم دلالات الخطوتين دول إيه)
..
لكن أكيد الأمور اختلفت بعد الثورة..
..
يعني بذمتك، في واحد اليومين دول ح تتهز له شعرة من قلعة ساعة ولا تشميرة كم؟
..
طب إيه؟
..
السينما تبوظ فنياً؟ وتخسر أحد أهم الأكليشيهات اللي (بتجيب مع الناس)..
..
مين قال؟ إنت ما سمعتش عن الظباط اللي عاوزين يطلقوا لحيتهم؟
..
ها.. إيه رأيك؟
..
المشهد الجديد ح يبقى كده..
..
1- الظابط يقلع الساعة بتاعته ويحطها على المكتب.
2- وبعدين يشمر أكمام القميص.
..
3- وبعدين يبص للمتهم نظرة خاصة وهو بيلعب بصوابعه في لحيته..
..
و.. خلاص!

الصورة من موقع ماشي دوت كوم

الخميس، 9 فبراير، 2012

بالصور: يوم الاثنين 6 فبراير - محيط وزارة الداخلية

ميدان التحرير - طبعاً ده مش غاز ولا حاجة! 

أنا برضه مش عارف الناس لابسة كمامات ليه :D

شاب شايل علم مصر وعلم نادي الأهلي ووراه مسجد عمر مكرم.. 
كان ناقص إيه في الصورة دي.. ممم .. كنيسة طبعاً !

ناس ما زالت متوهمة إن في غاز !

الوهم زاد قوي !

شوف يا أخي بيحبكوا الوهم إزاي؟ دكتور بقى وشنطة إسعافات وحركات !

واحد بيصور الوهم (مكتوب فوقيه إضراب عام 11 فبراير)

 طب بذمتكم في حد ح يبيع سميط وسط الغاز؟ مش بأقول لكم وهم!

شارع محمد محمود.. وشاب رافع علم مصر..إيه الجديد؟

هههه، بأحب أنا روح التفاؤل دي !

عربية بطاطا.. عجلة من عجلات الإنتاج برضه!

مواطن وعسكري وموتوسيكل !

علامة النصر قصاد بنادق الغاز !

طب العساكر دي واقفة قدام الجدار ليه بقى أصلاً؟

قنبلة "وهم" مضروبة !

الواد العسكري بيضرب على مسافة بعيدة أصلاً !

راجل بيجري ببنته بعيد عن قنبلة وهم الغاز !

الشرطة مش لوحدها.. معاها مواطنين شرفاء !

إسعاف تحت الطلب !

هههه.. امنعوا الضحك !

"وسيعلم الذين ظلموا أي منقلب ينقلبون".. وإيه علاقة الآية بالناس دي؟!

عربية الفشار جنب جدار محمد محمود اللي الناس وقعته.. عجلة إنتاج تالتة :)


ههه، ما فيش فينالة أحسن من كده ! :)

ملحوظة: وزير الداخلية حلف تاني يوم إن اليوم كان هادي وما كانش في ضرب غاز! 
مش بأقول لكم وهم!