مما لا شك فيه (لازم تتقال في بداية أي باراجراف) إن "ثورة 25 يناير" فجرت مواهب كتيرة عند المصريين.. منهم المغنواتية .. اللي غناويهم مفرقعة على اليوتيوبة دلوقتي ومنهم رسامين الحيطة.. بتوع الجرافيتي يعني يا عم !
ولأن الجيش حمى الثورة والثوار زي ما أنتم عارفين فعمل لهم - كتر خيره - جدران في وسط البلد عشان يشخبـ.. قصده يرسموا عليها ويفرغوا فيها طاقاتهم الإبداعية..
يا سلام يا جودعان ! فعلاً الجيش والشعب إيد واحدة.. وح نروح بعيد ليه؟ آدي الصورة الأولانية.. !
دي في ميدان روكسي للي ما يعرفش.. مش عاوزين بقى تعليقات من نوعية..
الواد ده ابن مين..
وإشمعني العسكري شايله بإيده الشمال ومش اليمين..!!
اتملى في الصورة من سكات :)
أيوه إعلانات.. آه عادي يعني هي جت عليا أنا؟ :)
"إذا أردت توحيد مصر فاصنع أزمة".. جملة عبقرية فعلن.. يا رب زلزال يا رب ! :D
دمية مشنوقة.. مش واضح مكتوب عليها إيه
بس أكيد والدة الشاب اللي عملها بتدور على أكياس المخدة راحت فين !
أها.. الراجل ده في الزحمة كده يا عيني.. وصعب عليا فعلن !
مدخل ش. محمد محمود.. معلهش مازنجر له تأثير برضه في وجدان الشباب! :)
الفراعنة السلفيين !
هس ال-سل-عوا !
بُص.. هي أكيد شتيمة بالفرعوني !
جدار شارع منصور - لكن إشمعنى عربية فولكس؟
عايز تقول إن الجيش المصري شوية خنافس.. فاهمك يا عدوي !
جدار في شارع مش عارف اسمه..
بس واضح إن اللي رسمه كان بيذاكر من كتاب الأضواء !
جدار القصر العيني اللي وراه مجلس الشعب على طول-
شوف لو خدت بالك الولاد هنا المرة دي عاملين شط
يمكن قصدهم إن الشعب في بر ومجلس الشعب في بر تاني؟
شوية مزز جدارية !
وجايبين سلم كمان؟
يا سلام.. طبعن بتفكروا لو السلم وقع بالجدع.. أشرار ! :D
المزز الجدارية أهي تاني !
ناولني الفرشاة عشان رايح أدهن هرم خوفو !
ده المجمع العلمي اللي اتحرق قبل كده.. مش عارف نافخينه ليه كده..
يمكن دي طريقة جديدة في الترميم !
جدار الشيخ ريحان - لا العيال اللي هنا أجدع، مش كده؟
الشباب كانوا بيشتغلوا وهم بيضحكوا وبيغنوا ومستمتعين فعلن :)
تلاقيها بتقول له: لازم نرسم شوية زبالة عشان الشارع المرسوم يبقى واقعي !
الولد ده مسخرة.. عامل فيها سوبرمان.. وح يطير فعلن دلوقتي.. !
بصوا.. سوبرمان ح يطير أهو.. وطبعن اللي نايم ميييين؟؟؟ شطار ! :)
شوفتوا الطيرة؟ بأقولكم ولد مجرم ! :)
فظييييييع يخرب بيت التعليقات :))))
ردحذفشوكران يا أفندم ! :)
ردحذف